ميمتي

ـ1ـ

.. وْبِتْذَكّرِكْ يَا مَيْمتِي مَوْقِدْ

بِتْذَكّرِكْ تَنُّورْ

بِتْذَكّرِكْ مَسْنِدْ

وْبَيْتْ مِنْ دُونْ سُورْ

بِتْذَكّرِكْ قَلْب وْعَطَا وِزْهُورْ

ـ2ـ

.. وْبِتْذَكّرِكْ وِبْقُولْ:

يَا رَيْتْ كَانْ الْمَوْتْ أَقْرَبْ مِنِ التّذْكَارْ

مَا كَانْ دَمْعِي سْيُولْ

وْلا كانْ دَمِّي نَارْ

يَا ميْمتِي اللِّي مْشَرّدِه بِالْبَرْدْ

شُو صَارْ بِاللِّي قَبْلْ

شُو صَارْ بِاللِّي بَعْدْ

بْعَصْرْ صَفَّى الصَّخْر مِتل الرَّمْلْ

وِالْبَيْتْ عَمْ يِنْهَدّْ!!

**