مُشْ رَحْ صَدِّقْ.. مُشْ رَحْ صَدِّقْ
إِنُّو بْلادِي صَارِتْ غَابِه
وْإِنُّو شَعْبِي تْحَوَّلْ طَابِه
وْإِنُّو مِلح الْحُبّ الصَّافِي
فسد.. وْبَعْدُو الْغَافِي غَافِي
وْإِنُّو الطّفل الْـ بَعْدُو زْغَيَّرْ
يَللِّي عَ شْفَافُو بْتِتْغَيَّرْ
فْصُول فْصُولْ.. وْمَا بْيِتْغَيَّرْ
وِبْضِحْكِة سِنُّو بِيزَوْزِقْ
أَلف نِجْمِه.. مُشْ رَحْ صَدِّقْ
إِنُّو بِرْصَاصَه.. بِنْحَاسِه
قَوَّصْهَا بُو الْقَلْب الْقَاسِي
يْمُوتْ.. وْبَعْدُو الْقَاتِلْ طَيِّبْ
يِعْمِي قَلْبُنْ.. شِي بِيكَهْرِبْ!!
**
