ـ1ـ
يا وَطَنِي اللِّي صَارْ
مُشْ مُمْكن يْصِيرْ
عَمْ تحصدَكْ النَّارْ
وِيْلِفَّكْ التِّعْتِيرْ
بِالْغُرْبِه لَيْل نْهَارْ
عَمْ نِرْسُم تْصَاوِيرْ
لأَرْزَك الْجَبَّارْ
وِلْشَعْبَكْ الْمنْهَانْ
يا وَطَنِي لُبْنانْ
ـ2ـ
عَم تغزلَكْ عِينَيْنْ
بِمْغَازِلْ الْهَنَا
وْعَمْ تِكتبَكْ إِيدَيْنْ
عَ صَفْحات الْمُنَى
مَهْما غْراب الْبَيْنْ
طَيَّرْ وِاغْتَنَى
بِتْضَلَّكْ أَرْض تْنَيْنْ
أَللـه وِالإِنْسَانْ
يَا وَطَنِي لُبْنانْ..
**
